التعاقد مع الخاص

 التعاقد مع الخاص :

في بعض النقاط في الخاص محتاج تأخذ بالك منها
_العقد عائلي أم فردي :علي أساسه هيتحدد إذا كنت
هتقدر تجيب أسرتك معاك ولا لا
_رسوم الإقامة : علي كل فرد من أفراد الأسرة بمبلغ ٤٠٠ ريال لكل فرد شهريا ،فدي لازم يتحدد مين هيدفعها
،لأنه سنويا هتلاقي المبلغ كبير
_ التأمين الصحي: لك ولافراد الأسرة ،مين هيتحمله ،والتأمين الصحي بيغطي إيه ،هل مثلاً بيغطي الحمل والولادة و الأسنان ،ودا طبعا بيتحدد علي درجة التأمين A or B or C
_السكن :إذا كنت هتسكن في سكن المستشفى أو هتسكن علي حسابك وهل السكن عائلي أم فردي
طبعا تكلفة السكن علي حسابك تختلف من منطقة لاخري
_تذاكر السفر:في الاجازة السنوية
_مصاريف الترخيص والتأمين ضد أخطاء المهنة :وفي
الغالب يتحملها الطبيب
_مكان العمل :وخاصة إذا كان المعمل أو المستشفى له  أكثر من فرع، فينص في العقد علي المكان ،وإذا كنت هتقبل
_ترخيص المعمل :إذا كنت هتتحمله يكون زيادة في المرتب
دي أهم النقاط المفروض تكون واضحة في التعاقد
طيب النقطة المهمة اطلب مرتب كم ؟
هنا بنرجع لمرتب الحكومي ونشوف مثلا الأخصائي
بياخد كم وتزود عليهم من ٢٠٠٠ ل ٣٠٠٠ مع الوضع في الاعتبار بقية المصاريف
الأخصائي ،ماجستير ،خبرة سنتين ،مرتبه شامل كل البدلات من ١٥٨٠٠ ل ١٦٠٠٠
بس الفكرة إنه مش بيدفع حاجة إلا السكن والانتقالات دول مع بعض ممكن يعملوا ٣٠٠٠ ريال ،يعني ممكن نقول صافي المرتب ١٣٠٠٠ تحطهم في جيبك زي ما بيقولوا
فأنت تشوف وتحسب صافي مرتبك هيكون كم بعد المصاريف المختلفة
مثلاً إذا المكان عرض عليك مرتب أخصائى ١٦٠٠٠ ،بس مصاريف الإقامة للأسرة عليك وإنت عندك طفلين مع 
زوجتك هتلاقي إن عندك ١٤٤٠٠ ريال هتدفعهم سنويا ،يعني تقريبا معدل شهر وهكذا في بقية البنود
سمعة المكان والتعامل و انتظام الرواتب لازم تسأل عنه كويس ويفضل العقد يكون سنوي والعقد يكون موضح فيه جميع التفاصيل ،بلاش تسمع كلام الشركة أو الكفيل إذا قال لك هنكتب حاجة في العقد ولما تستلم الشغل نغيرها لأنه مش بيحصل في الغالب أي تغيير
وبالنسبة للمرتب ممكن تتفاوض معاهم عادي واطلب الي يناسبك وإنت بتتفاوض من موقع قوة فلا تتنازل عن حقك